II кечкенәләр төркеме өчен яз бәйрәме эшкәртмәсе «Кояшкай, уян»

Катнашучылар:

• Алып баручы –
• Яз –
• Кояш –

Чыгарылыш төркем балалары:

• Аю
• Куян
• Кош

Репертуар:

Музыка астына балалар залга керәләр,  үзәктә ярым түгәрәк ясыйлар.

Алып баручы: Кояш балкый җылырак, сулар ага тизерәк,

Кошлар кайта туган якка, сагынып көткән ...

Балалар бергә: Яз килә!

Алып баручы: Бүген безгә яз килгән, әниләрнең бәйрәме.

Җырлыйк, биик, шигырь сөйлик, бирик чәчәк бәйләме !

1 реб. Җырлыйкилеп кенә

Тора бүген безнең дә.

Көтеп алган бәйрәме

Бүген хәммәбезнең дә.

2 реб. Бар кешенеке дә кебек

Әйбәт минем әнием.

Көн дә уйлыйм, әниемне

Ничекләр сөендерим?

3 реб. Бәйрәм бүген, бәйрәм! – диеп,

Бар дөнья көлеп торсын.

Әни бәйрәме икәнен

Әти дә белеп торсын,

4 реб. Бу дөньяда әниләр күп –

Минем әни бер генә.

Үзе уңган, үзе тырыш

Бар эшкэ дә өлгерә.

5 реб. Конфет та к ирәк түгел,

Кирәк түгел курчак та,

Чөнки мин әниемне

Алдым инде кочаклап.

6 реб. Яратам мин әнине

Әйбәт булганы өчен.

Юк, аның өчен түгел,

Мине яраткан өчен.

7 реб. Сигезенче март –

Әни бәйрәме.

Бүләк итәрмен

Чәчәк бәйләме.

8 реб. Мама сладкая моя,

Мама ягодка моя.

Самая любимая,

Моя мама милая.

9 реб. 8 март – әни бәйрәме

Бүләк итәрмен чәчәк бәйләме.

Ничек табарга, кайда чәчәк бар?

Кая карама каплаган ак кар.

Ведущая: Ребята, что же вы стоите?

На стульчики скорей тихонечко идите.

Балалар утыралар.

Алып баручы: Бүген мин һәркемнең Язны каршы алырга теләвен күрәм!

Балалар, сез әзерме?

Балалар җавабы.

Алып баручы: Кул чабып, яз кызын каршы алыйк.

Балалар кул чабалар.

Көй астына Яз керә.

ЯЗ: Исәнмесез, кадерле балалар, әниләр һәм әбиләр.

Мин яз кызы, килдем сезгә бәйрәм алып.

Минем килгәнемне белгәч, шатлана барлык халык.

Балалар да яраталар мине, яз бәйрәме, котлыйлар алар әнине!

Тәрбияче:  Яз! Балалар синең турында матур җыр беләләр. Рәхим итеп тыңлап кит.

ҖЫР “ЯЗ КИЛӘ”

Тәрбияче:  Я, балалар, карагыз,

Тышта әнә килә яз.

Балалар: Әйе, әйе, беләбез,

Яз килгәнен беләбез.

Тзрбияче:  Миңа якын килегез,

Яз турында сөйләгез.

Балалар:  Канат кагып, ерактан

Кошлар кайтты көньяктан.

Тамчы тама тып та тып,

Булмый аны туктатып.

Яз бездә озак тормый,

Җәй килер җырлый-җырлый.

ЯЗ: Бәйрәм күңелле булсын дип

Чакырдым мин кояшны (кояшка күрсәтә).

Бергәләшеп кулны чабып

Чакырыйкчы без аны! (Бергәләп кул чабалар).

Ә кояшыбыз йоклый?

Балаларга карамый.

Яле, кояш, уян син.

Нурларыңны сип җиргә,

Ач син нурлы йөзеңне,

Кунакка төш син безгә.

Музыка астына АЮ керә.

ЯЗ: Безнең янга кем килә?

Бәлкем, ул безгә Кояшны уятырга булышыр?

АЮ: Бу мин – зур аю, матур аю.

ЯЗ: Аю, син безгә Кояшны уятырга булышчы!

АЮ: Бәйрәмгә килдем сезгә.

Матур кызлар, малайлар уйнап күрсәтсен безгә.

Аннан мин булышырмын,кояшны уятырмын.

УЕН «ЛОВИШКИ (Прил. 69)

Балалр бергә әйтәләр:

Бергә-бергә уйнарбыз,

Син тот, ә без качарбыз!

АЮ: Хәзер аягымны тибеп

Каты итеп үкерәм.

Кояш, уянырга вакыт

Тор, йоклаган җиреңнән.

ЯЗ: Юк, Аюкай, ишетми

Каты йоклый шикелле.

АЮ: Сезгә ярдәм итәргә

Әнә куянкай килә.

Ә мин киттем урманга,

Дусларым көтә анда. (Китә.)

Көй астына КУЯН керә.

ЯЗ: Озын колак куянкай

Безгә ярдәмгә килче.

Уятчы син кояшны

Ул безнең янга төшсен.

КУЯН : Мин куян, килдем сезгә

Маракаста уйнарга.

Алыгыз кулыгызга

Уйныйк бар көчебезгә.

МАРАКАСЛАР БЕЛӘН УЕН (Прил. 41)

КУЯН (стучит в ложки): Ну-ка, Солнышко, проснись, к нам скорее опустись!

ЯЗ: Безне кояш ишетми, яныбызга да төшми.

КУЯН: Кошлар очып килгәннәр,

Бәлкем, ярдәм итәрләр.

Музыка астына КОШ керә.

ЯЗ: Шаян песнәк, кил әле,

Безгә ярдәм ит әле.

Кояшны уят тизрәк

Ул безгә бик тә кирәк.

КОШ: Мин – сары түшле Песнәк.

Җырларга бик яратам.

Матур җырларым белән

Җиргә шатлык таратам.

ЯЗ: Әйдә, бергәләп җырлык

Һәм кояшны уятыйк.

ҖЫР “КОЯШ, ЧЫК”

• Кояш, чык, чык, чык! Синең җылың бик тансык. Чыксаң, без сөенербез, Майлы ботка бирербез.
• Майлы ботка — казанда, Тәти кашык — базарда. Тәти кашык саф алтын, Кирәкми безгә салкын!

Лескадан кояшны төшерәләр.

Сәхнәгә КОЯШ керә.

ЯЗ: Күктә Кояш уянды, әнә күзләрен ача.

Кәрзинеңдә нәрсә соң? Әкиятләр, ләбаса!

КОЯШ: Мин Кояш, ямьле кояш,

Бәйрәмгә килдем сезгә!

Барыгызны яратам.

Саулык-сәламәтлек теләп

Нурларымны таратам.

Алып баручы:Балалар! Әйдәгез, Кояш белән бергә безнең яраткан биюне биеп китәбез. Бирегә чыгыгыз, парлап басыгыз.

БИЮ «Поссорились-помирились» (Прил. 55)

Биюдән соң балалар урындыкларга утыралар.

ЯЗ: Афәрин, бик матур биедегез, миңа сезнең белән бәйрәм бик ошады. Хушлашырга вакыт җитте,

Сау булыгыз, дусларым. Киләсе очрашуларга кадәр!

Алып баручы: Шуның белән бәйрәмебез тәмам. Ә хэзер истәлеккә фотосүрәткә төшәбез.